Spa bestillingar 
Vi tilrår at du bestiller time i god tid på førehand. Ta gjerne kontakt med spa-resepsjonen som vil hjelpe deg med val av rett behandling.
Aldersgrense for spabehandlingar er 12 år.

Spa-avdelinga er open dagleg frå 08.00 til 20.00.  Tlf.: 57 87 50 83.
Inngang i Spa-avdelinga har 18-års aldersgrense.

Frammøte i spa
Vi ber deg møte 10 minutt før spa-behandlinga, slik at vi kan gjere dei nødvendige førebuingar. Ver merksam på at sein ankomst vil redusere behandlingstida di, slik at det ikkje skal gå ut over våre andre gjester. Vi tilrår at du dusjar før kroppsbehandlingar. Menn bør også barbere seg få timar før ansiktsbehandlingar, for best resultat. 

Dersom du bur på hotellet, har du badekåpe og tøfler på rommet. Er du på dag-besøk, kan du leige dette i spa-resepsjonen ved bassenget.

Spa etikette
Spa avdelinga skal vere ei roleg og avslappande avdeling. Vi ser gjerne at alle mobiltelefonar er avslått under besøket, slik at du verkeleg kan nyte behandlinga di utan forstyrrande avbrot.  

Medisinsk helsetilstand
Ver venleg å informere oss ved bestilling om spesielle ting ved helsetilstanden din - allergiar eller skader og eventuelle operasjonar dei siste seks månadene, som kan ha innverknad på behandlinga di. 

Graviditet
Vi har spesielle behandlingar for gravide og ammande. La oss hjelpe deg i valet av den beste behandlinga for deg.
* Massasjar er ikkje tilrådd i første trimesteret i graviditeten. 

Avbestilling
Dersom du ikkje kan møte til timen, må du gi oss beskjed minst 24 timar før avtalen. Ved seinare avbestilling eller viss du ikkje møter utan å ha gitt beskjed, vil du bli fullt ut belasta for behandlingane du hadde bestilt.

Gåvekort
Gåvekort kan kjøpast for alle behandlingar, kroppsprodukt og pakkar. Du bestemmer sjølv om du vil setje eit beløp på kortet eller ei behandling. Vi sender gåvekort på epost, pr post, eller du kan hente det sjølv ved hotellet. Gåvekort er gyldige i eit år frå kjøpsdato. Dei kan ikkje refunderast eller vekslast inn.

Heimespa
Vel frå eit stort utval spa-, helse- og livsstilsprodukt i spabutikken vår.

Gruppebestillingar
Vi ønskjer grupper velkomne, og skreddarsyr gjerne eit program som passar alle. Det er viktig å bestille i god tid på førehand for å sikre dei beste løysingane. 

VELKOMEN TIL ALEXANDRA SPA !